Først og fremst må eg sei at eg synes heile denne episoden er frykteleg trist for supportarane til Brann. Eg har hatt utelukkande positive opplevingar med dykk, og eg trur slett ikkje at dette er representativt for BBB. Viss ein ser på biletet av trøyehaldaren i BT, så er han jo heilt tydeleg drita full. Fyren klarar knapt å henge over reklameplakaten. Diverre er det jo slik at nær vetet forlet arenaen, så er det lettare å ta inn over seg det andre gjer, og duplikere oppførselen til dei. Eg vil tru det var det som skjedde her. Det kokte over for enkelte, og så vart diverre fleire med.

Det som var like gale, var oppførselen mot politiet når dei kom bort. Eg såg politimannen fekk minst tre dusjar av eit eller anna slag. Tippar vel at det var øl. Eg såg også eitt slag mot politimannen. Det var då sjølvsagt av folk som stod langt framme. At han ikkje gjekk til momentan arrestasjon var forståeleg (om ufortent), for då hadde vel det teke heilt av i flokken.

Eg tek meg også i å synes synd på ho som vart avbilda som spyttaren. Når eg i tillegg får høyre vis TV at ho har gjort ein jobb for klubben tidlegare er det ekstra trist. Ho har det sikkert like jævlig som Robbie Russell i dag. Sjølv frykteleg dumt og lite gjennomtenkt det ho gjorde, men livstidsutestengelse frå Stadion synes eg umiddelbart er ein altfor streng reaksjon. Dette er ein panisk handling for å vise at "Me tek avstand frå rasisme for einkvar pris".

Vel, det var vel det. Snakkas på Fotballpuben ein gong i august.